ഓര്‍ക്കാപ്പുറത്ത് അല്ലെങ്കില്‍ സമയം തെറ്റി വന്ന മഴെയും വെള്ളപൊക്കം കാരണം തമ്പാനൂരിലെ ട്രാഫിക് ജാമിനെയും മനസ്സില്‍ പഴിച്ച് കൊണ്ട് പ്ലാറ്റ്ഫോമില്‍ പാഞ്ഞു എത്തിയപ്പോഴേക്കും കണ്ണൂര്‍ എക്സ്പ്രസ്സ്‌ നീങ്ങി തുടങ്ങിയിരുന്നു...
'കോച്ച് നോക്കാന്‍ സമയമില്ല...ചാടി കേറിയേ പറ്റു....'
'പണ്ടാരമടങ്ങാന്‍...,...അല്ലെങ്കില്‍ കുന്തം ഒരിക്കലും സമയം പാലിക്കാറില്ല ...നമ്മള്‍ എന്നേലും വൈകിയോ...അന്ന് പണിയും കിട്ടും... ' പിറുപിറുത്തു കൊണ്ട് ചാടി വീണു....കോച്ചില്‍
അകത്തേക്ക് കയറിയതും....കേട്ടത് ഇതാണ്
''ഡേയ് ...ഇത് എന്തോന്ന്....ഇത്തോളം മുട്ടീയിട്ട് എന്തെര് മറിക്കാന്‍ പൊവോണു...''
ഒരു സ്ത്രീ സ്വരം...(അലറല്‍ എന്ന് പറയുന്നതാവും ഉചിതം)...അതെ..പറഞ്ഞത് എന്നോട് തന്നെ...അരിച്ചു കയറിയ കലി പുറത്തേക്കു വന്നിട്ട് തിരിച്ചു നല്ലതുപോലെ പറയാനായി തന്നെ വായ്‌ തുറന്നതാണ്...പക്ഷെ ഒന്നും പറയാനായില്ല...പറയാനായി നുരഞ്ഞു പൊങ്ങിയത് എല്ലാം വിഴുങ്ങി...( 'രാവിലെ തൊട്ടേ പണി തന്നെ ആണല്ലോ ഈശ്വരാ..' ) കിളി നാദങ്ങളുടെ ലോകം...'' ലേഡീസ് കമ്പാര്‍ട്ട്മെന്റ് '' പോരാത്തതിനു അലറി പറഞ്ഞത് രണ്ടു വനിതാ പോലീസ്സിലെ ഒരു വനിതാ....
ചമ്മല്‍ മറച്ചു വച്ചു...ചുറ്റും ഒന്ന് വേഗത്തില്‍ ഞാന്‍ കണ്ണ് ഓടിച്ചിട്ട്‌ വാതുക്കല്‍ തന്നെ നിന്നു.''പേട്ട'' ആവുമ്പോഴേക്കും മാറി കയറാം.അല്ലാതെ വേറെ വഴിയില്ല എന്റെ ചങ്ങായി.....[കാരണം വായ്‌ നോക്കാന്‍ പറ്റിയ തരുണിമണികള്‍ ഒന്നും കണ്ണ് എത്തുന്ന ദൂരത്തില്ലായിരുന്നു, അതും അല്ല...മീശക്കു പകരം പുരികം പിരിച്ചു വച്ചിരിക്കുന്ന രണ്ടു ഇടി വണ്ടികള്‍ ...പുറത്തു ഇരുട്ടാണേങ്കില്ലും വാനത്തോട്ടു നോക്കി നില്‍ക്കുന്നതാ തല്‍ക്കാലം ബുദ്ധി.]
കൈയ്യിലുണ്ടായിരുന്ന ലഗ്ഗേജ് ബാഗ്ഗും പൊതിക്കെട്ടും ഒതുക്കി വച്ച് ഞാന്‍ പേഴ്സ്സില്‍ നിന്നും ടിക്കറ്റ്തപ്പിയെടുത്തു..കോച്ച് ഏതാണ്ന്നു ഒരിക്കല്‍ കൂടി നോക്കി ഉറപ്പിച്ചു...
A3 UB 3...[അവന്മാരൊക്കെ എവിടാണോ ആവോ...? അപ്പോഴേക്കും വന്നു വിളി..]
[ഞങ്ങള്‍ എല്ലാവരും ഒരു യാത്ര പോകുകയാണ്. സംഭവം ഒഫീഷ്യല്‍ ആണ് ...''പുരാവസ്തു ഗവേഷണവും അനന്ത സാദ്ധ്യതകളും'' കോഴിക്കോടാണ് സ്ഥലം...എന്തായി തീരുമോ ആവോ ?]
''ടെ വല്ലോം നടക്കാന്‍ ആണോ..? ഇയാള്‍ എവിടാടെ...?"
ടിക്കെറ്റ് എവിടെ കൊണ്ടാടെ വച്ചേക്കുന്നെ...? ഇയാള്‍ വന്നില്ലെലും വേണ്ടില്ല...''
ഒന്നും പറയേണ്ട ടെ...ഞാന്‍ ഉണ്ട് വണ്ടിയില്‍ ....പക്ഷെ ഇപ്പൊ പെട്ടിരിക്കുവാ..രാവിലെ തൊട്ടെ തുടര്‍ പണിയാ...കാണാം ഭായ്...വരാം...ഒരു പത്തു മിനിട്ട് കടം തരു...
ഫോണ്‍ വിളി കഴിഞ്ഞു, ഇന്ന് കിട്ടിയ പണികള്ളില്‍ ഒരെണ്ണം വെറുതെ ഒന്ന് ഓര്‍ത്ത്..
------
രാവിലെ സീന മേശപുറത്ത്‌ വച്ചിരുന്ന കുപ്പിയില്‍ ജീരകവെള്ളമെന്നു കരുതി ആര്‍ത്തിയോടെ തൊള്ളക്ക് ഒഴിച്ചതിനു ശേഷമാണ് മനസ്സിലായത്‌ സൂര്യകാന്തി എണ്ണയായിരുന്നു എന്ന്...എണ്ണ പാഴായത്തിന്റെ തെറി വിളി...സീനയുടെ വക...വേറെ. ഞാനോ....അകത്തേക്ക് പോയത് എങ്ങനെ പുറത്തു കളയുമെന്ന ആശങ്കയില്ലും മുറവിളി കൂട്ടല്ലിലും ഉള്ള ഓട്ടത്തില്‍ നിലത്തു വീണു പൊട്ടിയ un-breakble crystal glassന്റെ എണ്ണം എടുക്കാന്‍ വിട്ടു പോയി....കൈയ്യില്‍ കിട്ടിയത് എല്ലാം ഇട്ടു തുടച്ചെടുത്തു..''എന്റെ വായ്‌.'' ...പച്ച എണ്ണയുടെ ആ ചവര്‍പ്പ്....ഹോ..ആ കോരിത്തരിപ്പ് ഒരു തരിപ്പ് തന്നെയായിരുന്നു ...?
------
'' അപ്പി ഒന്ന് മാറണേ..'നാന് ഒന്ന് ഇറങ്ങട്ടെ...'' പിന്നില്‍ നിന്നും ഏതോ ഒരു സ്ത്രി പറയുന്ന കേട്ടപ്പോഴാണ് 'പേട്ട' എത്തിയെന്ന് മനസ്സിലായതും ചിന്തയില്‍ നിന്ന് ഉണര്‍ന്നതും...
പെട്ടന്ന് തന്നെ വഴി മാറി കൊടുത്തു. ബാഗും കവറും എടുത്ത് ഞാനും ചാടി ഇറങ്ങി വീണ്ടും ഓടി...A3 ലക്ഷ്യമാക്കി.
പുറത്തെ തണുപ്പില്‍ നിന്നും ഓടി കയറിയ കമ്പാര്‍ട്ട്മെന്റനികത്ത് എത്തിയപ്പോള്‍ ...അതിനു അകത്തെ തന്നുപ്പും കൂടി... അറിയാതെ ഒന്ന് കിടുങ്ങി...അകത്തേക്ക് കയറുന്ന വ്യഗ്രതയില്‍ ആരോ പിറകില്‍ നിന്നും തോളത്ത് തട്ടി...
''അതെ...ഞാന്‍ തൃശ്ശൂര്‍ ഇറങ്ങും''...['നീ ഇറങ്ങടാ കോപ്പേ..അതിനു എനിക്ക് എന്താ..'അങ്ങനെ പറയാനാ തിരിഞ്ഞത്, പക്ഷെ പറഞ്ഞില്ല]
''മൊത്തോം തീര്‍ത്തു കളയരുത്..ഞാന്‍ എന്റെ ഈ പണി ഒന്ന് തീര്‍ത്തെച്ചും വരാം. ഒരു മണിക്കൂര്‍ വെയിറ്റ് ചെയ്യണം കേട്ടാ ...''
നെറ്റി ചുളിച്ചു അയാളെ അടി മുടി ഒന്ന് നോക്കി...അപ്പോഴാണ് TTE ആണെന്ന് കത്തിയത്..പക്ഷെ എനിക്ക് ആള്‍ പറഞ്ഞത് മനസ്സിലായില്ല....എന്റെ ബാഗും കവറും കണ്ടിട്ട് അങ്ങേരു 'കുപ്പി' ആണ് ഉദേശിച്ചതെങ്കില്‍ പിന്നെയും പണിയാവുമല്ലോ...? ഇല്ലാത്ത കുപ്പി ഞാന്‍ എവിടുന്നു എടുക്കും.?
ഇതൊക്കെ പോട്ടെ...ഈ കോപ്പന് എങ്ങനെ മനസ്സിലായി ഞാന്‍ അടിക്കും എന്ന്...?
[അപരിചിതര്‍ എന്നെ 'ഇക്കാ' എന്നേ വിളിക്കാര്‍ ഉള്ളു ....കാരണം...ഞാറിന് തടം എടുത്ത പോലെ വരമ്പും അരുവും വെട്ടിയെടുത്തതാ എന്റെ താടി...] ആ എന്നോടാണ് ഈ മച്ചാന്‍ ഇങ്ങനെ പറഞ്ഞത്...തെല്ലു നേരം ഞാന്‍ പരിസരം മറന്നു ചിന്തയിലാണ്ട് പോയി...
ഡേയ്...നടന്നു വാടെ...എന്തോന്നാ ആലോചിച്ചോണ്ട്‌ നില്‍ക്കുന്നെ...?
തൊട്ടടുത്ത സീറ്റില്‍ നിന്നും കാല്പനികതക്ക് എപ്പോഴും ചിറകു മുളപ്പിക്കുന്ന... ചിരിച്ചു കൊണ്ട് മാത്രം വര്‍ത്തമാനം പറയുന്ന "കളത്തില്‍ ബൈജു ". [കളത്തില്‍ എന്നുള്ളത് വീട്ട് പേരല്ല...നമ്മള്‍ അങ്ങോട്ട്‌ എന്ത് പറഞ്ഞാലും...തിരിച്ചു നമ്മളോട് വല്ലതും പുള്ളി പറഞ്ഞാലും കളങ്ങള്‍ വരച്ചും അക്കങ്ങള്ളില്‍ കൂട്ടിയും മാത്രമേ പറയാര്‍ ഉള്ളു...അത് കാരണം പുള്ളിക്ക് ഞാന്‍ തന്നെ ഇട്ട പേരാണ്...]
''ടെ മൊത്തത്തി കുഴപ്പമാ...എന്നെ കണ്ടാല്‍ എന്തെല്ലും തോന്നുമോ ...?''ഞാന്‍ ചോദിച്ചു.
സംശയമെന്ത്...വഴിയെ പോകുന്ന ഏതവനും ഒരെണ്ണം ചെകിട്ടത് തരാന്‍ തോന്നും....പിന്നെ വെള്ളത്തില്‍ വീണ പൂച്ച, നഞ്ഞ കോഴി അങ്ങനെ പലതും പറയാന്‍ ആര്‍ക്കും ഒന്ന് ചിന്തികേണ്ട കാര്യം പോലുമില്ല...പറഞ്ഞിട്ട് ഒടുക്കം സ്വന്തം തന്നെ നീട്ടി ചിരിച്ചു...ഗണേഷ്,. സ്വന്തമായി പൊക്കി പറയാന്‍ എപ്പോഴും ശ്രദ്ധിച്ചിരുന്ന എന്റെ മറ്റൊരു സഹപ്രവര്‍ത്തകന്‍... (ഗണേഷ് ആയതു കൊണ്ട് ഞാന്‍ മുഖവിലയ്ക്ക് എടുത്തില്ല)
അത് അല്ലടെ...ഒരു ക്ണാപ്പന്‍ TTE എന്റെ കവറും കിടിപിടിയും കണ്ടിട്ട്..മൊത്തം തീര്‍ക്കല്ലേ എന്നും ദാ വരുന്നുന്ന് പറഞ്ഞിട്ട് പോയി...നമ്മുടെ കൈയ്യില്‍ മരുന്ന് വല്ലതും ഉണ്ടോ...? ഇപ്പൊ എന്ത് ചെയ്യും..? നമ്മള്‍ വേണ്ട എന്ന് വച്ചത് അല്ലെ...? പക്ഷെ ട്രെയിനില്‍ മദ്യപാനം പാടില്ല എന്നും..പുതിയ നിയമം ഇല്ലേ ? എന്തേലും ചെയ്യതെ പറ്റു...ഞാന്‍ വെപ്രാളത്തോടെ പറഞ്ഞു.
രാവിലെത്തെ എണ്ണയുടെ ചവര്‍പ്പും ഒന്ന് മാറി കിട്ടുമല്ലോ...മനസ്സില്‍ കൂട്ടി ചേര്‍ത്ത്...സംസാരിക്കുന്നതിനിടയില്‍ ഞാന്‍ ബാഗ് അപ്പര്‍ ബെര്‍ത്തില്‍ തള്ളികയറ്റി. കവര്‍ വിന്‍ഡോ ഗ്ലാസ്സിനു മുകളിലത്തെ ഹൂക്കില്‍ തൂകി ഇട്ടു.
'വഴി ഉണ്ടാക്കാം...കൊല്ലത്ത് നിന്നും രമേശന് കേറുമല്ലോ...വിളിക്ക് അളിയാ..അളിയനെ'
കൈയ്യില്‍ ഉണ്ടായിരുന്ന പേന എടുത്തു സ്വന്തം തലയില്‍ കളം വരച്ചു ബൈജു അനക്കം വച്ച് തുടങ്ങി...
മൊബൈലില്‍ രമേശനെ വിളിച്ചു...
'രമേശാ കഷായം എടുത്തായിരുന്നോ.?'
'എന്തൊരു ചോദ്യം ആണ് ടെ...നിനക്ക് എന്നെ ഇതേ വരെ മനസ്സിലായില്ലേ...നമ്മള്‍ ' ഫുള്‍ ' സെറ്റപ്പ് അല്ലെ.?' ഞാന്‍ നേരത്തെ സ്റ്റേഷനില്‍ വന്നല്ലോ..നമ്മടെ റെയില്‍വേ സ്റ്റേഷനു മുന്നിലല്ലേ എന്റെ അണ്ണാ...വിശാലമായ ഷോറൂം...ഒരു 2 ' ഫുള്‍ ' ബാഗിലാക്കി...കഴിക്കാന്‍ വലതും വാങ്ങിയോ....?
രമേശന് ഒരു യാത്ര മൂഡില്‍ തന്നെ ആണ്...തിരിച്ചുള്ള ഉത്തരത്തില്‍ നിന്നും ഞാന്‍ മനസ്സിലാക്കി.
ഞാന്‍ തുടര്‍ന്നു...'നമ്മടെ കളത്തില്‍ ബൈജു' ജയിലില്‍ നിന്നും വരുന്ന വഴി (പൂജപ്പുര വഴിയാണ് വീട്ടില്‍ നിന്നും വരുന്നത്..തെറ്റിദ്ധരിക്കരുത്...പുതുതായി ജയിലില്‍ തുടങ്ങിയ ചപ്പാത്തി പരിപാടിയുടെ ഭാഗമാകാനും ആകണം, ' 36 ചപ്പാത്തി' പുള്ളി അവിടുന്ന് വാങ്ങി) കൊണ്ട് വന്ന ചപ്പാത്തിയും.' സീനടെ വക ചിക്കെനും ഉണ്ട് ടെ...പുറത്തു നിന്നും ഒരു കോടാലിയും ഉണ്ടാവും...അതാ ചോദിച്ചത്...
അത് ആരടെ...?രമേശന്റെ സംശയം..
അതൊക്കെ നമ്മുക്ക് വഴിയെ കാണാം...ഇതിപ്പോ എല്ലാം തികയുമോന്നൊരു സംശയം...അതുമല്ല എറണാകുളത്ത് നിന്നും കേറുന്ന വെള്ളം തൊടാത്ത മഹാന്റെ കാര്യം അറിയാമല്ലോ...കുപ്പി പോകുന്ന വഴി കാണില്ല..എന്തായാല്ലും നേരില്‍ കാണാം...
ഞാന്‍ ഫോണ്‍ കട്ട് ചെയ്തു...
കഷായം ഉണ്ട്...ട്ടോ...അളിയന്‍ എടുത്തിട്ട് ഉണ്ട്...അവരോടു ഞാന്‍ പറഞ്ഞു.
അല്ല...നമ്മള്‍ മാത്രമേ ഉള്ളോ...വേറെ ആരും ഇല്ലേ (കളര്‍ഫുള്‍ ഐറ്റംസ് കണ്ടില്ലല്ലോ എന്നാ ഞാന്‍ മനസ്സില്‍ ഉദ്ദേശിച്ചത് )....? തെല്ലു നിരാശയോടെയായിരുന്നു എന്റെ അടുത്ത ചോദ്യം...
സാറിനു,... ആരെ ആണ് വേണ്ടത്...? അല്പം നീട്ടി ആണ് ബൈജുവിന്റെ മറുചോദ്യം. അദ്ദേഹം പക്ഷെ ഈ തവണ പേനക്ക് പകരം സ്വന്തം കണ്ണാടിയുടെ കാലാണ് തലയ്ക്കു വരയ്ക്കാന്‍ ഉപയോഗിച്ചത്.
അല്ല..എന്തെല്ലും മിണ്ടിയും പറഞ്ഞും പോകാമല്ലോ...പിള്ളാര് വലതും ഉണ്ടായിരുന്നേല്‍ ഒരു ഉഷാര്‍ ഉണ്ടാവുമായിരുന്നു...അല്ലെ..? ഗണേഷ് പിന്‍'താങ്ങി'.
ഞാന്‍ ഒന്ന് സീനയെ വിളിക്കട്ടെ...
...............................
കൊല്ലത്ത് നിന്നും രമേശന് കയറി.
ഓ...എന്റെ അണ്ണാ, ആദ്യമായിട്ടാണ് നിങ്ങളെ ഇങ്ങനെ ഈ വേഷത്തില്‍ കാന്നുന്നത്..
[എനിക്ക് എന്തോ വേറെ ആരോയയിട്ടാണ് തോന്നിയത്, കാരണം കണ്ടു മുട്ടിയ അന്ന് മുതല്‍ എന്നും വളരെ ' ഫോര്‍മല്‍ ' വേഷം മാത്രമേ പുള്ളി ഇട്ട് കണ്ടിട്ടുള്ളു...എപ്പോഴും ഷര്‍ട്ട്‌ ടക് ഇന്‍ ചെയ്തു...'woodlands'ന്റെയും 'adidas'ന്റെയും ഷൂസും 'allensolley'ടെയും', 'van heusen'ന്റെയും', 'aarow'ടെയും' അങ്ങനെ വേണ്ടുന്ന എല്ലാ ബ്രാണ്ടുകളും മാറി മാറി ഉപയോഗിക്കുന്ന ഏക വ്യക്തിയാണ് ഞങ്ങളുടെ ഇടയിലെ രമേശന്], പക്ഷെ ഇന്ന് ഒരു ചുവന്ന ടി ഷര്‍ട്ടും അര കുറ നിക്കറും ഒരു ചെരുപ്പും....ഒപ്പും രണ്ടു എയര്‍ ബാഗുകളും]
പറഞ്ഞു വച്ച പോലെ TTE യും എത്തി...ടിക്കറ്റ്‌ പരിശോധിച്ച് ഒരു വാക്ക് പോലും ഉച്ചരിക്കാതെ അയാള്‍ അടുത്ത കോച്ചിലേക്ക് പോയി...എനിക്ക് വിശ്വസിക്കാന്‍ ആയില്ല...ഇയാള്‍ തന്നെയാണോ അല്പം മുന്‍പ് എന്റെ തോളത് തട്ടി സംസാരിച്ചത്...?
ഇദേഹം തന്നെ ആണോ അദ്ദേഹം...? ബൈജുവിന്റെ വക ചോദ്യം.
എവിടെ ടെ കോടാലി...? രമേശന് തിടുക്കം കൂട്ടി...
എനിക്ക് തെറ്റി പോയിന്നാ തോന്നുന്നെ....ചിലപ്പോ വേറെ ആരെങ്കില്ലും ആവും ബൈജുവെ..
ടെ ഇതായിരുന്നു ഞാന്‍ പറഞ്ഞ കോടാലി രമേഷേ...രണ്ടുപേരോടുമായി പറഞ്ഞു മുഴുപ്പിക്കും മുന്‍പേ 'ആ കോടാലി' ഒരു പെട്ടിയുമായി എത്തി...ഒരു വ്യത്യാസം മാത്രം..കോട്ട് ഊരി കൈയ്യില്‍ പിടിച്ചിരിക്കുന്നു...
'' തുടങ്ങാം....പേര് പരഞ്ഞുള്ള പരിചയപെടല്‍ ഒന്നും വേണ്ടാ...കാരണം നമ്മള്‍ ഇനിയും കാണുമോന്നു അറിയില്ല..so no need...lets start."
തെല്ലു അന്ധാളിപ്പോടെ അതിലുമേറെ ആശ്ചര്യത്തോടെ ഓപ്പണിംഗ് റൌണ്ട്' തുടങ്ങി...
.........................ഒരു സ്റ്റാര്‍ട്ടിംഗ് ട്രബിള്‍ രണ്ടു റൌണ്ട് കഴിഞ്ഞപ്പോ മാറി കിട്ടി. പരസ്പരം പരിച്ചയപെടലും എല്ലാമായി അങ്ങനെ കോട്ടയം കഴിഞ്ഞു. ഒരു 25 വയസ്സ് പ്രായം തോന്നിക്കുന്ന ഒരു പയ്യന്‍സ് നമ്മടെ TTEയെ അന്വേഷിച്ചു വന്നു... TTE സ്വയം പരിച്ചയപെടുതിയത്തിനു ശേഷം പയ്യന്‍സ് കൈയ്യിലെ ടിക്കറ്റ്‌ നീട്ടി പുള്ളിയോടായി പറഞ്ഞു
'സാര്‍ എനക്ക് ഒരു ചാന്‍സ് (chance) തരണം'...
എന്തോന്ന് ...? TTE ഒരു ഞെട്ടലോടെ അവനോടു ചോദിച്ചു.
അല്ല സാര്‍ എനക്ക് വേറ്റിംഗ് പറ്റില്ല ...ഒരു ചാന്‍സ് തരണം ....അവന് പിന്നെയും പറഞ്ഞു.
ഞാന്‍ എന്തോടോ സിനിമ സംവിധായകനോ...ചാന്‍സ്തരാന്‍......? അതുമല്ല അവനു വേറ്റിംഗ് പറ്റിലാന്നു......പിന്നെ....!! TTE പരിഹാസത്തോടെ അവനെ ആക്രമിച്ചു...
സാറെ അവന് സീറ്റ് വേണം എന്നാ ഉദേശിച്ചത്‌... എന്ന് തോന്നുന്നു...ഞാന്‍ TTE ഒരു ബോധവല്കരണം നടത്താന്‍ വിഫലശ്രമം നടത്തി...
നീ ആര്...? അവന്റെ PRO ആണോ...? TTE ടെ റിലേ കട്ടായി തുടങ്ങിയെന്നു എനിക്ക് മനസ്സിലായി.
ഞങ്ങടെ കുപ്പിയും കാലിയാക്കി നിന്റെ വായീന്നു.... നിന്റെ ഊളതരം...ഞങ്ങള്‍ കേള്‍ക്കണോ....കോപ്പേ ...എന്ന് പറഞ്ഞായിരുന്നു തുടക്കം...?
രമേശന് എഴുന്നേറ്റു TTE യുടെ പെട്ടിയും പ്രമാണവും കോട്ടും എടുത്തു നിലത്തു ഒരു ഏറു...എന്തോ തോന്നി പെട്ടന്ന് തന്നെ താഴെ എറിഞ്ഞ അയാളുടെ കോട്ട് എടുത്തു സ്വന്തം അണിയുകയും ചെയ്തു....(അത് ഒന്ന് കാണേണ്ട കാഴ്ച തന്നെയായിരുന്നു....ചുവന്ന ടി ഷര്‍ട്ടും ക്രീം കളര്‍ നിക്കറും...ഓവര്‍കോട്ടും ...ഇത്തിരി ഓവര്‍ അല്ലെ എന്നൊരു സംശയം...എനിക്ക്)....ശരിക്കും ഇത്തിരി അല്ല....മൊത്തത്തില്‍ ഓവറായിരുന്നു.....രമേശന്
TTE യെ വലിച്ചു സീറ്റില്‍ നിന്നും എഴുന്നെല്ല്പിച്ചു ...'ഇറങ്ങി പോടാ പുല്ലേ''...എന്ന് ആക്രോശിക്കുകയും ചെയ്തു...[എപ്പോഴും ഇങ്ങനെ കൂടുമ്പോള്‍ ഏറ്റവും കൂടുതല്‍ ചിരിച്ചും ചിരിപ്പിച്ചും സമയം തള്ളി നീക്കുന്നത് രമേശന് തന്നെ ആണ്...പക്ഷെ ഇന്ന് ഇത്ര പ്രതീക്ഷിച്ചില്ല]
(ഇതിന്റെ ഇടയില്‍ ചാന്‍സ് തേടി വന്ന ആ പയ്യന്‍സ്ന് വന്ന വഴിയെ തിരിച്ചു ഓടി കാണും... പൊടി പോല്ലും കണ്ടില്ല....സീനില്‍ നിന്നും പെട്ടന്ന് മാഞ്ഞു പോയി...)
പിന്നെ അവിടെ നടന്നത് ഇവിടെ പറയുന്നില്ല... സീന്‍ എഡിറ്റ്‌ ചെയുന്നു....കഥ അവസാനിപ്പിക്കുന്നു....
[ പക്ഷെ രണ്ടു ആഴ്ച രമേശന് പാന്റിനു പകരം മുണ്ട് ഉടുത്തോണ്ട് നടക്കേണ്ടി വന്നു, ഡോക്ടറിന്റെ നിര്‍ദേശപ്രകാരം.... ബൈജു പുതിയ കണ്ണട വാങ്ങി...ഗണേഷ് രണ്ടാമത്തെ പെഗ് അടിച്ചപ്പോ തന്നെ ഔട്ടായി അപ്പര്‍ ബെര്‍ത്തില്‍ ഇടം തേടി...ഒന്നും അറിഞ്ഞില്ല...ഞാന്‍ ഇടനിലക്കരനായത് കൊണ്ട് കുറെ കരം ഇടപാട് നടന്നു...കടം ഒന്നും വച്ചില്ല ]
കരം ഇടപാട് കൂടാന്‍ കാരണമുണ്ട്....OK.. TTE, OK... TTE.....ലാസ്റ്റ് സീനില്‍ പ്രതീക്ഷികാതെ പറഞ്ഞു പോയതാണ്....രണ്ടു മൂന്ന് തവണ.....പക്ഷെ അതും പുള്ളിക്ക് (TTE) പിടിച്ചില്ല....കാരണം TTEയുടെ പേര് Omana Kuttan എന്ന് ആയിരുന്നു. പുള്ളിയെ ഞാന്‍ അങ്ങ് ചെറുതാക്കി കളഞ്ഞു എന്ന് പറഞ്ഞായിരുന്നു പ്രകടനങ്ങളില്‍ മറ്റൊരു കാരണം.
*******************************************************************************************************************
പിറ്റെ ദിവസം രാവിലെ 730നു രാവിലെ കോഴിക്കോട് റെയില്‍വേ സ്റ്റേഷനില്‍ ഇറങ്ങിയപ്പോളാണ് 'KJ' യ്ക്ക് തന്‍റെ സ്വാധീനം ഉപയോഗിച്ച് ഇന്നലെ രാത്രി പെട്ടുപോയെക്കാവുന്ന നൂലാമാലകള്ളില്‍ നിന്നും രക്ഷപെട്ടതും എല്ലാം ശരിക്കും ഓര്‍ക്കാന്‍ കഴിഞ്ഞത്....ഒരു യാത്രയുടെ പരിയവസാനം ''പുരാവസ്തു ഗവേഷണവും അനന്ത സാദ്ധ്യതകളും''
അവിടുന്നു തുടങ്ങി....എന്റെ സഹപ്രവര്‍ത്തകരും 'KJ' യും.
*******************************************************************************************************************
ഇതിലെ "ഞാന്‍"'' ഞാനല്ല ....എന്റെ ഏറ്റവും അടുത്ത സുഹൃത്തും സഹപ്രവര്‍ത്തകനുമായ ''KJ'' ആണ്. ഈ അടുത്ത കാലത്ത് അവനും സഹപ്രവര്‍ത്തകരും ചേര്‍ന്ന് പോയ ഒരു യാത്രയാണ് ഞാന്‍ എന്റെ രീതിയിലാക്കിയെടുത്തത് ... അവരുടെ യാത്രയിലെ രണ്ടു ഡയലോഗ് മാത്രം കടം എടുത്തു... TTE യുടെത്....
